Da pyndep ya ka semifinal ka 2nd volleyball tournament

Jowai : Ynne ka sngi ka WJDSA da pynmam ko ya ka semifinal ka volleyball tournament heiwa da yoh u sakhi ya le tylli ki yalehke semifinal.

Hei wa nyngkong da yaleh ha pyrdi ka Nangbah SC pyrchah ya ka Lion SC. Ka Nangbah SC da ye ko u pynrem ya ka Lion SC hei yalehke wa ar set heiwa da jop suk ko ya ka set wa nyngkong 25-14 hei yalehke wa ryntih hei rukom pyllai ha pyrdi ki wa yaleh kamjooh i pynher bol cha kylla jar iwa khlem em i bakla.

Ha ka set wa ar ka Lion SC da ye ko u bood ya ki point ka Nangbah SC tangwa ka Nangbah SC da pynyoo ko yei daw wa hadooh ynne ym pu em wa ye u pynrem ka deiwa jop ko ya ka set wa ar 25-23.

Kamtæ ka Nangbah SC da yoh ko u psiah cha ka phainal.

Related posts

Super Division Saipung: Jop ka Pyrdung wa ka Mulait United

November 23, 2024

Ka Diengshynrum kam ka Champion ka 1st Division 2024 ka East Jaiñtia

November 23, 2024

Ha ka semifinal wa ar ka Khimusniang SC da yakhun ko pyrchah ya Loomkyrwiang SC ha ka yalehke wa ya thaiñ bha ka wa poi hadooh le set.

Ha ka set wa nyngkong jop ka Loomkyrwiang SC 31-30.

Ha ka set wa ar ka Khiimusniang SC da su kylliang ko deiwa jop 25-20 katwa ha ka set wa le won da ye biang ka Loomkyrwiang SC u pyntam deiwa jop ko 25-20.

Ha ka semifinal wa le, ka Lion SC wa rem ha ka Nangbah SC da ya chem ko wa ka Loomkyrwiang SC yow yohlad khaddooh kini ki artylli ki dhab u yaknieh yei thaw ha ka final pyrchah ya ka Nangbah SC.

Ka Lion SC da ye ko u pynrem ya ka Loomkyrwiang SC ka wa da yaleh katwa ye u pynrem ya ka Lion SC  tangwa ka Lion SC da ye ko u knieh yei thaw ha ka final deiwa jop ha ki ar tylli ku set 25-23, 25-19.

Ya ka final ha pyrdi ka Nangbah Sc pyrchah ya ka Lion SC daw pynman ha ka 19 tarik uni u bnai.