Da pyndep ya ka State Selection Trial ha Jowai yow jied ya kiwa chimbynta ha ka MTB Championship 2024

Ka West Jaiñtia Adventure & Cycling Association deilang waka Meghalaya Cycling Association ha ka 13 tarik uni bnai da pynman ki ya ka State Selection Trial ha Khliehrymphum, Jowai heiwa ki khon khynroo khyllood deilang ki khynnah wa ka’it emsap hei yah Cycle da wan ki wow ya chimbynta.

Ya kani ka State Selection Trial da wan wow e mynsien ya kiwa ya chimbynta da u Aibanmanbha Shullai, Waheh Chnong Ladthadlaboh, u Rtn. Rudolf E. Laloo, President Rotary Club Jowai wa u Stranger Lamare, Waheh Dong Khliehrymphum heiwa u Biangpor Shylla, President ka West Jaiñtia Adventure & Cycling Association hei emlang ki dkhot ka Meghalaya Cycling Association (MCA) chwa wow sdang da e u ki kyntien yahkhmat hajrong ka thong yong kani ka yakop yah Cycle.

Ya kani ka yakob da phiah ha ki kyrdan waphær wa kynthup ya ki Junior, Sub-Junior, Youth, Elite Men & Women heiwa kiwa jop ha ka Junior toh u Dalenmi Sana, u Riboklang Lyngdoh Nonglait wa u Hubat Chuangsha M. Marak neitæ ha ka Sub-Junior, u Daohi Dkhar, u John Rodrick B. Shadap wa u Mark Amazing Khyllait, ha ka Elite Men u Kevinjohn Khyllait, u Lambormi Phawa wa u Sharailang Basaiawmoit, ha ka Elite Women toh ka Phyrnai Kyndait katwa ha ka Youth yei naam da rah da u Kevin Lyngdoh Sangriang, u Ewandame Mark Syiemlieh wa u Kerry Wahlang.

U Biangpor Shylla hei klam pynkut chwa wow e kti ya ki Certificate da khana u wa kiwa jop ha kani ka yakob yong ki kyrdan waphær u yoh laad ki u mihkhmat ya ka jylla wei u hap ki leh u lai pynpliah pynjanai yei sap yong ki chwa wow lai ya chimbynta ki cha ka MTB Championship 2024 ka wow man ha ki bnai wow wan wei kam wow pynchlur ya kiwa yoh u rah Gold Medal, ka MCA da kular ko wa yei lut i sep yong ki waroh u yarap da ka seiñ neitæ kiwa yoh Silver Medal 50% nei lut yong ki katwa ya kiwa yoh Bronze Medal won 25%.

Related posts

Ka Ladrymbai United pyrchah ya ka Kur Suchen Bataw ha ka Final ka Prize Money Knockout Football Tournament ka WSCSO

November 13, 2024

1st Division EJHDFA: Psiah Semi ka Diengshynrum wa ka Iatyllilang SC Hingaria

November 13, 2024

Chooh chooh u Biangpor da ong u leh wa kattu neini chakhmat ka West Jaiñtia Adventure & Cycling Association daw pynman ko ya kam kini ki jait yakob hapoh ka District khnang yow ye khriñ wei u sai u pynmih napoh ka Ri-loom Jaiñtia ya ki khon khynroo khyllood kiwa ka’it em saap ha i yah Cycle.