Jowai : Ka 3rd Invitation Knockout Tennis Ball Cricket Tournament han lada da sdang ya ka 2nd Round yong ka yalehke, ynne ka sngi da pyndep ki ya kiwa sah yong ka 1st Round.
Da pynman nyngkong ya ka yalehke ha pyrdi ka NMP pyrchah ya ka Super XI.
Ka NMP da bat nyngkong ko wei da ka kamai ko 96 run deiwa dooh ko waroh ki wicket. U Richeal Passah da kamai u 42 run katwa u bowler ka Super XI u Pynhiam Kharkongor da yoh u 3 wicket.
Neiliang ka Super XI ym ye ko u poi cha ka thong wow jop deiwa kamai ko 87 run wei da dooh ko waroh ki wicket. Kamtæ ka NWP da jop ko da 9 run.
Ha ka yalehke wa bood ha pyrdi ka Googly IX wa ka Moodymmai United, ka Googly IX da bat nyngkong ko wei da kamai ko da 76 run deiwa dooh 7 tylli ki wicket ha ka 10 over. U Mitchem Chullai ka Googly da kamai u 30 run katwa ya ka Moodymai u Nehlang da pynhap u 3 tylli ki wicket.
Ha ka sien nyngkong ha kani ka tournament ka dhab wa kdong run da jop ko heiwa ka Moodymai da yoh ko 81 run deiwa hap 3 tylli ki wicket. U Tymmang Slong ka Moodymai da yoh u 49 run khlem hap ka wicket u, katwa neiliang ka Googly u bowler yong ka u Ricky Chullai da leh bha u deiwa yoh u chi wicket.
Discussion about this post