Jowai : Ka lehniam Chaad Behdieñkhlam yong ka Raij Chyrmang yong uni u snem da sdang ko nadooh ka Khyllaw ka 28 tarik wei da pynkut yaka ynne ka sngi Mulong, 30 tarik heiwa da wan chimbynta da ki khon ka Raij najan najngai.
Da sdang yakani ka lehniam ha kini ki sngi wada dep dei chaad yung heiwa ki waheh wasan dalai ki cha ki yung ki sem hapoh i chnong i thaw wei da e ngooh e dem ki yei bha i miat ka yung ka sem.
Heijooh i por ki khon ka Chyrmang Wah wa ki khon ka Chyrmang Neiñ da mih ki yow thooh Deiñkhlam ki na ki khloo dep won tæ rah ki ya kini ki deiñkhlam chapoh chnong. Dep ki u rah ya kini ki Dieñkhlam da bood won sa ka li chaad yung hei janmiet.
Ha ka sngi khaddooh ynne ka sngi Mulong, da pynman yaka pynyoo rong næ ka pynyoo rot. Ya kini ki rot waroh da rah ha Aitnar yow yoo ki paitbah næ kiwa wan yoo ke, heiwa da chaad ki khon khynnah khynroo chynrang wa kynthai hei ood ki bom wa ki tangmuri.
Ha uni u snem da em ynru tylli ki rot, wada wanrah ha kani ka sngi hei sakhi u MLA ka thaiñ u ma Stephanson Mukhim, u MDC ka JHADC u A.A. Shullai, u Dolloi ka Elaka Jowai u ma Puramon Kynjiñ wa kiwi kiwi.
Discussion about this post