Tura : Ynne ka 7 tarik da pyndep yei kaam niam wei da tlep ya u tynde u Purno A. Sangma, deiwa pynman da ka State Funeral ha Dikki Bandi Stadium, Dakopgre, hachwa wow tlep ya oo ha Loomtlepbru ka Balang Catholic.
Ha kani ka sngi da wan sakhi da ki phaw hajar kiwa kynthup ya ki nongmihkhmat, ki sahep sorkar, wa kiwi kiwi na kylleiñ ka jylla wa na ka ri kamjooh.
Da booh ya ki syntu ha ka synduk wa pynthiah kawa da tymmoh da ka pynkup da ka lama ka ri weiwa ki pulit ka jylla da siat ki ya ki 21 tylli ki suloi kam ka dak wa burom ya uni u bru wa khroo.
Ki heh kiwa da em ha kani kynthup ki ya u Montri Rangbah ka jylla u Dr. Mukul Sangma, u symbood Montri Rangbah ka jylla u Dr. R.C. Laloo, u Chief Adviser ka jylla u D.D. Lapang, u Salseng C. Marak, u Montri rangbah ka jylla Nagaland u Nagaland, u Neiphiu Rio, u Montri Rangbah warim ka jylla Manipur, u R B Koijam, wa kiwi kiwi.
Discussion about this post