Jowai: I yaleh wow sai ya ki 15 ngut wa chah kset ha ka krem mooyong wa chlai um ha Ksan dang pteiñ ynne ka sngi wei ki bru wa chemphang nadooh ki Scientist wa ki Company ki bur samen da sdang ki wow kreh yow thooh laad thymme wow sai ya kiwa chah kset.
Neiliang ka Coal India Limited (CIL) ynne ka sngi da taan um ko na kawi ka krem mooyong warim wa em hajan ka krem kiwa chah kset wei da man ko kawa lai bait wei da pyndait ya ki Pipe wa thymme yow pynlai ya ka um.
Ka CIL da pyntip ko leh wa ka um hadien wa dep sai da neh ko katjooh hi hadien wa da taan um nadooh 6:00 waje ynnin i miet hadooh 1:00 waje i sngi ynne wei da sai 2268000 liter.
Ka Odhisa Fire Service da sdang ko wow taan um nadooh 11 waje i step ynne ka sngi katwa ka Company KSB na ri Germany dang pynkhreh ki wow pyndait ya ki Pump yong ki wei da yooluti wow sdang ki u taan um nadooh mynstep.
U Dr. Dewashish Kumar, Senior Scientist na CSIR – NGRI, Hyderabad da sang ki wow sorjamin (Survey) ya kani ka thaw deiwa pynemkaam ya ka kor Ground Penetrating Radar yow tip yi me chapoh khyndaw kamjooh ki jait moo.
Neiliang ka Plenys Technology, Chennai wa yahkhmat da u Vineet Kumar wa kiwa krehlang wa oo da pynhiar ki ya ka kor ROV chapoh ka krem mooyong warim wa em hajan ka krem mooyong kiwa chah kset.
Katwa kiwa ngam um ka Indian Navy dang pyrchang ki wow sai ya ka kor ROV yong ki kawa sah kut hapoh ka krem mooyong nadooh ynnin i miet.
Hadooh 5 waje i janmiet ynne ka sngi ka Fire Service Odhisa da sai um ki hadooh 540000 liter.
Discussion about this post