Ka Loompyrdi Iongpiah, Jowai da pynhaap pyrda ko ya ka 21st Open to All Badminton Championship 2024, ynnin i janmiet ka 8 tarik ha Indoor Hall ka Seiñ Raij Jowai, (Madan Ryngkaw), Tpep-Pale, Jowai kawa da sdang nadooh ka 3 tarik uni u bnai.
Ha kani ka janmiet da emlang u Deibormi Toi, Executive Engineer ka PHE Greater Shillong Water Supply, Division II Mawphlang kam u kongsan hei emlang u Waheh Chnong ka Lompyrdi Iongpiah, u R.L. Bimee Suwer, ki dkhot ka West Jaiñtia District Badminton Association (WJDBA), Jowai wa kiwi kiwi.
Ha ka Men’s Single Open to All, da jop da u Ram Najiar uwa da jop da 21-15, 21-15 ya u Hrisami Passah, ha ka Men’s Double u Rimilan Passah wa u Deilang Nongpluh wa da jop ki da 21-12, 21-19 ya u Dauru Laloo wa u Buromlangki Lakiang.
Ha ka Men’s Single 35+, u Ram Najiar da jop u da 21-14, 21-11 ya u Dauru Laloo. Haka 35+ Men’s Double, u Ram Najiar wa u Yutang Kma da jop ki da 24-22, 22-20 ya u Dr. Peterson L. Lamare wa u Daymen Shullai.
Ha ka 50+ Mixed Doubles, u Bhalang Lamare wa ka C. Laloo da jop ki da 20-22, 21-16, 21-16 ya u T. Laloo wa ka S. Passah.
Katwa ha ka Mixed Doubles, u Deilang Wa-oo Nongpluh wa ka Ribhalang Passah da jop ki da 21-18, 15-21, 21-15 ya u Mebanker Shullai wa ka Balashembha Passah.
Ya ki khusnaam cha kiwa jop da saam da u kongsan ryngkat ki dkhot ka West Jaiñtia District Badminton Association wa kiwa kitkaam chnong.
Ha kani ka janmiet da pynkhle leh ya ki Number wa pam ha ka Khle Nasib namo ka Mini Lucky Draw Loompyrdi Iongpiah Sports & Game Committee 2024 wei ki Number man ki kamni ha wah:
1st Prize- 8871
2nd Prize- 2318
3rd Prize- 4589
Discussion about this post