Jowai: Ka seiñ Meghalaya Peoples’ United Front (MPUF) kam chi bynta wow pynbha wei wow pynkhlan chooh chooh ya i chakri yong ka ya ki paidbah ha kiwa boon ki bynta khamtam ha ki thaiñ kiwa emkaam da pynkha ko ya kawi ka tnat wa tip kam ka MPUF Khliehriat Circle.
Ya kani ka pynkha tnat da pynman ha ka 10 tarik uni u bnai hapoh i yahkhmat u president ka seiñbei u D. Wanmi Laloo ryngkat i emlang ki dkhot ka Central Body.
Kiwa kitkaam yong kani ka Khliehriat Circle man ki kamni hawah:
- President- Kyrshan Blah
- General Secretary- Thawlad Lyngdoh
- Vice President- Hrithik Siangshai
- Asst General Secretary- Vincent Paslein
- Public & Information Secretary- Soney Siangshai
- Sport Secretary- Danial Pachiang
Chirup wa ki ynñiaw ngut ki Executive Member ryngkat wa ki kattu katni ngut ki dkhot.
Ha kani ka sngi da em ka yalang wa pyllai da u Publicity & Information Secretary Central Body ka seiñ u Hamwer Bhoi da yoh ki kyntien sneiñ kyntu na u President ka East Jaiñtia Hills District u Michal Chyrmang, i klam chaphang ka seiñ na u General Secretary Central Body u Aimonbha Syad wa khaddooh na u President ka Central Body, wei da pynbaam smai ya ki da u D. Wanmi Laloo uwa da e leh e leh ya ki kyntien khublei.
Da pynkut ya kani ka yalang da u Chairman u Hamwer Bhoi.
Discussion about this post