Jowai: Neibynta wow pynbha ya i chakri ya ki khon khynroo khyllood, Ka Jaiñtia Students’ Movement (JSM) Central Body ha kini ki kajiak sngi wa da dep, itæ ha ka 15 tarik uni u bnai da pynkha ko sa ya kawi ka tnat kawa tip kam ka JSM-Eastern Region.
Ha kani ka sngi da em ka yalang wa da pynman ha Little Flower Secondary School Khliehriat East Jaiñtia Hills District, ya kawa da pynlai da u Working President ka Central Body u Phaitmon Nongtdu hei emlang u President ka Central Body u Leningstar Rymbai, u General Secretary u Deijuhhi Siangshai wa u Publicity Secretary u Skhembhalang Dkhar.
Hei yatoh wa kani ka tnat krehkaam wa thymme ka JSM ympu em u pynkup bor pura ko ya kani ka JSM Eastern Region neibhah wa katkam ka kyndon aiñ ka seiñ ympu biang pura kiwa kitkaam yong ka, kamtæ da thung noh chwa chipor da Adhoc JSM-ER khnang wa kiwa kitkaam ym sñiawthooh bakla ki.
Kamtæ ha kani ka sngi da yoh u pynskem ya kiwa kitkaam ka Adhoc JSM-ER, heiwa ya i kyrdan President da ksoh u Justming Chyrmang, Vice President u Kyrshanlang Dkhar, General Secretary u Kmenlang Dkhar, Assistance Secreatry u Biker Malang, Organising Secretary u Mewashanlang Sahale, Assistance Organising Secretary u Deibor Dkhar, Publicity Secretary u Emdorlang Sutnga ryngkat ki dkhot wa 11 ngut.
Discussion about this post