Da pynkha ya ki Unit ki wakreh Muster Roll wa ki wakreh Mid Day Meal ha Laskeiñ Block

Jowai: Ka All Jaintia Muster Roll Workers & Labour Union da pteiñ biang ko yei saam dieñ haka 08-07-2019 hei por 10 waje i step ha Laskeiñ Block wei da pyllai ya kani ka yalang da u President ka seiñ u K.L. Pariat uwa da ong u wa ka seiñ da sdang biang ko u thung ya ki dieñ nadooh ka 05-07-2019 wei hadooh ynne ka sngi da thung kamwa 3500 tre ki dieñ wa kynthup wa ki yong ka Laskeiñ Block kiwa da saam 1000 tre cha ki dkhot ka seiñ.

U President da ong u wa ya kini ki dieñ da thung kamwa 100 tre ha Thadsakynpong Raliang.

Da khana u leh wa ka seiñ All Jaintia Mid Day Meal Workers Union da li booh dorkhat ki cha u Chief Minister wa em burom u Conrad K. Sangma ha ka 03-07-2019 heiwa da yoh ki u e ya ka dorkhat yong ki, hapoh ka satri yong ka AJMRW&LU.

Ha kani ka sngi da emlang leh ki dkhot ka Central Body ka seiñ ka D. Iakai Vice President, ka L. Kyndiah ka Treasurer. Da em lang haroh ki dkhot ka chnat ka seiñ na Khliehriat Block Unit kam ka K. Sutnga ka President, ka B. Dhar ka Secretary, na Thadlaskeiñ Block Unit da em ka M. Shangpung ka Treasurer. Da emlang leh ki dkhot ka All Jaintia Mid Day Meal Workers Union, u O. Pariat President, ka N. Toi ka Secretary wa kiwi tawan ki dkhot yong ki Muster Roll wa kiwa chet ja skur. Da emlang leh u waheh chnong ka chnong Raliang u Sanki Lamare wei da man u kam u kongsan ha ka ni ka sngi.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

U kongsan da e u yei klam hajrong ka World Environment Day deiwa ong wa ya kani ka sngi da pynemburom ya ka da ka pyrthai hi waroh kawi. Da ong u leh wa sñiaw kmen u chiboon heiwa ki Muster Roll waki wa chet ja skur da yoo jngai ki yei ma yong kani ka pyrthai kawa i waroh da chynna i kam ka nongmuna wa da yoo i katni yei dooh umbam umdih katwa dang mih ki por ki sngi du neidaw wa duna ki dieñ ki siej, da ong u leh wa heipor nachwa katwa dang boon ki dieñ ki siej dang yoo ya ki umchangpet wa mih ki ha ki rood yung rood sem yong i. Katwa ha kini ki sngi da wiar ki neidaw wada syllen lut ki loom ki pdeiñ. Da e khublei u leh ya u President ka seiñ u K.L. Pariat heiwa da ye u yah luti ya ki duk ki suk heiwa da yoh ki chiboon ki yarap na ka sorkar.

Ha kani ka sngi da yoh leh u pynkha ya ki Unit yong ka Laskeiñ Block yong ki Muster Roll Unit wa ki Mid Day Meal Unit.

Kiwa kitkaam yong ka Laskeiñ Muster Roll Unit:

1) President- Ka Martina Lamare

2) Vice President- Ka Sisada Lyngdoh

3) Genl. Sect. – U Brightstarly Papang

4) Asst. Sect. – U Halarious Suchiang

5) Treasurer – Ka Rinolan Shadap Passah

Ki Executive Committee:-

1) Ka Rimonjur Chullet 2) Ka Momebrises Suchiang 3) Ka Ridatipshwa Suchiang 4) Ka Tiewly Dhar 5) U Thywillbedone Syntem 6) U Ebormi Wann 7) Ka Rimember Iakai 8) U Shitandon Shadap 9) Ka Markatjuh Timung 10) Ka Torimon Suïai 11) Ka Phianly Lyngdoh 12) Ka Pynthiang Sten.

Kiwa kitkaam yong ka Laskeiñ Mid Day Meal Unit:

1) President- Ka Phiyoris Syngkon

2) Vice president- Ka Dian Talang

3) Genl. Sect.- Ka Lamjingieid Lapasam

4) Asst. Sect.- Ka Chianly Laloo

5) Treasurer- Ka Presnica Synnah

Ki Executive Committee:

1) Ka Perinis Lyngdoh 2) Ka Rideini Parin 3) Ka Sumar Sutnga 4) Ka Betilda Dhar 5) Ka Theiricia Sayoo 6) Ka Diangtimaia Syngkon 7) Ka Dahunimon Wann 8) Ka Wailad Sungoh 9) Ka Memolinda Shylla 10) Ka Nida Lyngdoh.