Da pynkhooid ya 10 tylli ki krem mooyong wa rim wa em ha Ksan yow sai um sa naki

Jowai: I yaleh wow pynkhooid ya ki 10 tylli ki krem mooyong wa rim wa em ha Ksan, EJH da pyndep ya ki waroh ynne ka sngi wei dang yang yaka sorkar wow e hukum wow pyndait ya ki Pump wa thymme yow taan um na kini ki krem mooyong deiwa yooluti wa daw yarap ko u pynhiar ya ka um wa em ha krem mooyong kiwa chah kset.

I taan um kamwa jooh dang pteiñ hi i heiwa ka CIL da pynkrehkaam ko ya ki Pump yong ka da 16 kynta hadooh 5 waje i janmiet ynne ka sngi deiwa pynemkaam du ka wi ka Pump neidaw wa sa kawi da pynthut ko hawa pyndait waka Generator kamtæ ka um wa da ye u sai da poi ko 2160000 liter.

Ka KSB won da taan um ko 32 kynta da ki ar tylli ki Pump kiwa taan um mar 16 kynta wei ka um wa da ye wow sai da poi ko 6336000 liter.

Ka Kirloskar da pynemkaam ko ka wi ka Pump heiwa sa kawi ka Pump dang sih ko hadooh ynne ka sngi wei ka um wa da ye wow sai da poi 2880000 liter.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024