Jowai: Ka Mukhla Wahshnong Sports Club ynne ka sngi da pynman ko ya ka pynkhooid chnong ha Mukhla Nongrim, West Jaiñtia Hills kam chi bynta ka dak sahkynmoo ya ka sngikha wa 150 snem u Mohandas Garanshan Gandhi uwa tip leh kam u Mahatma Gandhi uwa da khut maya leh kam u pa ka ri India.
Ya kani ka pynkhooid chnong da pynman ha waroh soodong u pood ka chnong wei da krehlang leh ka Mukhla Wahshnong Sports Club deilang waka Nehru Yuva Kendra Sangathan, Jowai; kawa man leh kam chibynta ka Swachh Bharat Swachata, wei neiliang ka NYK, Jowai da wan wow sakhilang da ka P. Suting kawa man kam ka Volunteer yong ka NYK Jowai.
Ki paidbah chong chnong da mih chongchit ki wow pynkhooid chongchit ya ka chnong wei hadien ini da pynman ya ka yalang paidbah wow klam chaphang yei thrang yong u Mahatma Gandhi.
Ya ka yalang da pynlai da u Standbyme Sari wei da yoh leh yei klam na u Lakhon Sari General Secretary ka chnong Mukhla Nongrim, na u Muhon Sari u Secretary Dong Mukhla Wahshnong, na u Kamai Suna Treasurer Mukhla Wahshnong, na u Player Suna Secretary Sport Club Mukhla Wahshnong wa na u Mista Suna Waheh Chnong Mukhla Nongrim.
Da yoh leh ya i klam naka bru chemphang ka NYK Jowai chaphang i thong yong ka NYK wa kiwi ki kaam wow wanrah hapoh ka chnong lyngba ka NYK.
Discussion about this post