Ynne ka sngi neiliang u Deputy Commissioner ka West Jaiñtia Hills u Dykes LNS Garod da pyntip u wa hapoh ka District da pynkhreh ya ki 3 tylli ki thaw sah namo ki Relief Camp neibynta kiwa emkaam yarap.
Katkam wa man hi, neiliang ka sorkar pyrdi da hukum ko ya waroh ki sorkar jylla wow pynbiang ya ki thaw sah wa ki baam neibynta ki bru kiwa emkaam yarap khamtam kiwa khih mylla kiwa na kiwi ki District wa ki jylla kam heini i por wa em ka Lockdown wow yakhun ya ka khlam u COVID-19.
U Garod da pyntip u wa hadooh katni da pynkhreh le tylli kini ki thaw sah wei kini kynthup ki ya ka St. Dominic HSS, Mowkyndeng, West Jaiñtia Hills, Govt. Boys HSS, Jowai wa ha DIET Mukhla, West Jaiñtia Hills.
Heiyatoh wa ki mar baam neibynta ki manyung wa dooh kiwa khih na kti ha ktien kiwa da chah ktah bha ha kani ka Lockdown, u Garod da pyntip u wa ki bor District da chimkhia bha ki yeini.
Da pyntip u wa heiyatoh wa u khoo rachon (PDS) yong u bnai Wisu (March) da pynlait ya oo ha waroh ka District katwa ya kiwa ym em yoh ya ka PDS won neiliang ki sahep ka District yaleh ki wow pyndap yeiwa em i duna ha kini ki manyung.
Discussion about this post