Heiyatoh wa hap kiwa na Meghalaya wow lai yaleh ya ka CUET-PG wa pynman da ka NTA cha baar ka jylla, neiliang ka Education Department ka jylla da pyntip ko wa kamwa da leh ha ki snem wa dep da yaleh wow booh ki thaw pynman yaleh Exam (Compatible Computer Nodes) yow lait u hap lai cha baar.
Tangwa kat dang mih ki snem kiwa yaleh ya kani ka Exam leh dang boon ki iwa da pynman ya ki thaw Exam wym chniam ya waroh.
Katkam wa man kattæ ki thaw pynman Exam toh kiwa da biang tangwa em ki por manda hap yaleh ya kawi ka jooh (Common Paper) da boon ware kiwa yaleh wei ha kini ki por da chem chitom wow pyndap yeiwa emkaam wei yow lait neini hap e laad ya kiwa yaleh wow jied ki ya kawi won (second or a third option) katkam ki kyndon ka NTA.
Da pyntip wa ka Exam wa da pynman ha ka 6 wa 7 tarik uni u March 2026, kiwa boon da ye ki wow yaleh hapoh ki Exam Centre wa em hapoh ka jylla.
Neibynta won ka 8 hadooh ka 10 tarik uni hi u bnai, da em leh kiwa yaleh Exam kiwa wan na baar ka jylla chapoh ka jylla. Kamtæ neibynta kini ki sngi wa dang sah ki bru ka NTA kamjooh ki bru na ka TCS dang yaleh ki wow pyndap yeiwa emkaam yow lait kiwa napoh ka jylla wow lai cha baar ka North-East yow thoh Exam.
Ka sorkar da pyntip ko wa dang pynkhreh ko wow booh sa 450 tylli ki Compatible Computer Nodes deilang kiwi de kiwa emkaam katkam ki kyndon ka NTA yow sdang leh ya ki Computer-Based Test Centre ha ki thaw puræ ka sorkar.
Kini ki 450 tylli ki Computer thymme toh deiwa pynemkaam leh wa kiwa dang em chwa yow lait kiwa na Meghalaya wow lai cha baar ka jylla yow yaleh ya ka CUET-UG Exam kawa daw pynman ha u June 2026.
I pyntip na u Director of Higher and Technical Education, Meghalaya.
Discussion about this post