Shillong: Ka sorkar Meghalaya da pynkhreh bha ko wow lait na i chah ktah nei wan u Cyclone Fani uwa katkam ka Regional Meteorology Centre uwa daw lai lyngba na ka thaaiñ mihsngi ka ri kam ha jylla Assam wa Meghalaya.
Neiliang u montri ka Disaster Management ka jylla, u Kyrmen Shylla da ong u wa ka sorkar da phah ko ya waroh ki District ka jylla nadooh ki Deputy Commissioner wow husiar ki wei wow pynkhreh wow lait na iwon iwon i jia wa sñiawsih wei da pynyang leh ya ki bru wow e yarap jhem (Emergency Response Team) lada emkaam.
U Kyrmen da ong u wa ka sorkar da paan yarap ko leh na ka National Disaster Response Force (NDRF) na Assam wei ye ki wow poi pyn myntu i miet hajrong wa da em chwa ki bor yarap hapoh jylla.
Ha iwi i liang da kyntu u ya ki paidbah wymtoh u tieñ ki wei wow man ki kiwa husiar wei wow syndong wow lait na iwon iwon i jia wa sñiawsih.
Discussion about this post