Jowai: Ynne ka sngi ki bor District ka West Jaiñtia Hills hapoh i yahkhmat u DC, u Dykes LNS Garod wa kiwi kiwi ki sahep da lai pait ki ya i pynkhreh ha Highwinds, Thadlaskein wow pdiang ya ki 69 ngut.
Kini ki 69 ngut toh kiwa na ki chnong waphær waphær ka District wei u wan ki na Chennai, Tamil Nadu.
Kam wow pynkynmoo heini, chwa ini da pdiang ka sorkar du ya ki tre jylla kiwa sahkut cha ki jylla ka thaaiñ mihsngi wei da rai won wow pdiang ya kiwa na kiwi ki jylla ka ri.
Hawa yaklam wa u DC ka District, u Dykes LNS Garod da ong u wa katkam wa man, kani ka thaw da man ko kawa da pynkhreh wow leh ya ki Screening wei wow Register ya ki wow wan chapoh ka District.
Da pyntip u leh wa kini waroh daw wan ki da ki Bus nadooh na Guwahati wei manda poi heini (Thadlaskein) ye ki wow liwan da ki kari yung wei lada ym em kari won ki, ki bor District daw pynkhreh ko ya ki kari neibynta yong ki.
Ya kini ki 69 ngut da yooluti wow wan poi ki myntu i miet.
Discussion about this post