Ka jylla Meghalaya lyngba ki chnat krehkaam ka sorkar da sdang ko u pynman ya i lehkmen dap 50 snem ka jylla deiwa pynman ya ki yalang kiwa har rukom la ha ki District wa kamjooh leh ha nongbah Shillong.
Kam chibynta yong ini i lehkmen ka sorkar da yooluti ko leh wow pyndep ya kiwa boon ki kreh wa da mang da booh heiwa da booh thong wow ye u wai ya ki ha ka 21 Duyatra (January) 2022 kawa man ka sngi wa man jylla pura ka Meghalaya.
Ynne ka sngi ka Task Force on Documentation of 50 Years of Meghalaya’s Statehood namo ka dhab wa pynkhreh ya ki thup i thoh i taar heiyatoh wa i dap 50 snem ka jylla da ekti ko ya ka ‘Coffee Table Book’, ya kawa daw pynlait ha ka sngi wa dap snem ka jylla ha u snem wow wan.
Ha kani ka sngi da yoh i batai na u Prof David Syiemlieh, uwa man u Chairperson ka Task Force hei emlang u Montri Rangbah ka jylla, u Conrad K. Sangma, u Montri i Puræ Puthi, u Lahkmen Rymbui wa ka Chief Secretary ka jylla, ka Rebecca V Suchiang.
