Ka chnat Election ka jylla Meghalaya da pyntip ko wa da leh ko yei waroh iwa emkaam heiyatoh wa i niaw Vote ha ka 2 tarik heiwa da em 13 tylli ki thaw niaw Vote ha ki 12 ki nongbah District katwa kawi won toh ha Sohra Sub-Division neibynta ka Election MLA 2023.
Da booh leh 22 tylli ki dhab ki pulit CAPF kiwa da yang 24/7 ya ki thaw booh ya ki EVM ha ki Strong Room kiwa da wanrah na ki 3419 tylli ki Polling Stations neibynta ki 59 tylli ki Assembly Constituency wei daw neh ki hadooh ka 04-04-23 lada em iwon iwon iwa emkaam hadien ka niaw Vote.
Ki bor ka aiñ da yabhah ya ki ha ki 3 bynta heiwa ki CAPF daw em ki hapoh dooh katwa ki pulit ka jylla won daw em ki cha lait.
Waroh ki thaw niaw Vote daw em ki hapoh i pait da ki CCTV wa ki Webcast ha waroh ini i por.
Daw em waroh 383 kylla namo ki (Round) i naw Vote wei kiwa boon dooh toh 9 Round neibynta kawa heh dooh ka Constituency kattæ toh ka Mawlai wa em hapoh East Khasi Hills District wei 4 Round ya ki Constituency wa khian kam ka Dalu wa em ha West Garo Hills District.
I niaw Vote ha waroh kini ki thaw u sdang i nadooh 8:00 waje i step wei daw sdang chwa u niaw ya ki Postal Ballot neibynta ki 30 minit chwa wei daw bood won sa ki Vote kiwa em ha ki EVM.
U CEO ka jylla deiwa emlang u DEO wa SP da dep ki wow lai pait ya i pynkhreh ya ka thaw niaw Vote ka East ka Khasi Hills wa da booh ha madan Polo, Shillong kawa boon dooh ki Counting Hall wa em 14 tylli mar kawi neibynta kawi pa kawi ka Constituency. Ha West Garo Hills District Counting Centre wa em 11 ki Constituency toh kawa ar wa heh dooh ka Counting Centre hapoh ka jylla.
Ka ECI da booh ko leh 27 ngut ki Counting Observers wa palat 500 ngut ki Micro Observers ki wow yarap ya ki Counting Observers ha kawi pa kawi ka miej.
Kawi pa kawi ka miej niaw Vote daw em ko leh uwi u Counting Observer wei daw yarap da 4 ngut ki Counting Assistant.
Ha ki 7 tylli ki Polling Station, da em i wym em pyndam (Delete) yeiwa thap Vote wa da pyrchang namo ka Mock Poll Data, kini toh kawi ka Polling Station ha East Jaiñtia Hills ha Khliehriat Constituency, kawi ha West Khasi Hills ha Rambrai Constituency, ar tylli ha East Garo Hills hapoh ka Songsak Consttiuency, ar tylli ha South West Garo Hills hapoh ka Salmanpara Constituency wa kawi ha Mylliem Constituency. Ha kini ki Polling Station, da phah ya ki DEO wa ki RO ow bood ya ki kyndon ka ECI kammon wow niaw ya ki Vote.
Hadien wa niaw ya ki Vote ki EVM, daw jied ya 5 tylli ki Polling Stations deiwa klah nasib heiwa daw niaw ya ki Vote dei kti na ki EVM katkam ki kyndon ka ECI.
Chooh chooh da pha ya ki DEO wow leh ki yeiwa emkaam heiyatoh wow pynbait yei rukom lai, rukom wan ki kari kamjooh heiyatoh wa i lai chaad hadien wa dep niaw Vote ha jar jiar ki District.
