Da pynkhrehkaam nyngkong dooh ya ka DBT hapoh WKH

Nongstoin: Ka West Khasi Hills District da man ko ka District wa nyngkong dooh wow pynkrehkaam ya ka Direct Benefit Transfer (DBT) neibynta ki National Social Assistance Programme (NSASP) hadien wa wan ki heh ka tnat Ministry of Rural Development, Government ha Nongstoin ynnin ka sngi.

Ka NSASP toh kawa pait ya ki scheme Pension kam ka Indira Gandhi National Disability Pension Scheme (IGNDPS), ka Indira Gandhi National Widow Pension Scheme (IGNWPS), ka Indira Gandhi National Old Age Pension Scheme (IGNOAPS) wa kiwi kiwi.

Deiwa pynemkaam da ka DBT hapoh ka jyllla da man ko ka jylla wa le wa leh ya ini hadien ka Gujarat waka Assam heiwa ka poisa da lai bait ko cha ka Bank Account kiwa yoh myntoi kamjooh daw pynsmat yei pyllait ya ka poisa heiwa da pait da ka Public Financial Management System yei rukom lai ka poisa.

Ynnin 4239 ngut kiwa yoh myntoi naka IGNOAPS, 560 ngut naka IGNWPS wa 102 ngut naka IGNDPS da pyllait ya ka poisa ha ka Bank Account yong ki.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Kamwa man katni hapoh ka ri 140 tylli ki scheme da pyllait poisa deiwa pynemkaam ya ka DBT heiwa ka poisa wa pyllait do poi ko hadooh T. 1.82 Lak Klur cha ki T. 35.7 Klur kiwa yoh myntoi hapoh ka ri.

U Deputy Commissioner ka West Khasi Hills da pyntip u wa hapoh ka West Khasi Hills daw  pynpsiah boon chooh chooh ki scheme hapoh ka DBT yow pynchlur leh yaki bru yow wai Bank Account ki.