U Deputy Commissioner, East Jaiñtia Hills District da pyntip u wa katkam ka hukum na u Under Secretary ka sorkar Meghalaya, Health and Family Welfare Department, da pynkrehkaam biang ya ki COVID-19 Coordination Committee.
Kini ki Committe toh neibynta ki Assembly Constituency ha ki District wow pynchlur ya i e tika COVID-19 wei wow pynsñiawthooh hajrong ka khlam.
Ka Committee daw pyntikna ko yei krehkaam ya i khoom i kdoh namo Containment Measures.
Ka Committee u kynthup ko ya u MLA kam u Chairperson, ki Deputy Commissioner/Addl. Deputy Commissioner /Block Development Officer kam ki Convener wa Member Secretary, ki District Medical & Health Officer wa ki Superintendent of Police kam ki dkhot.
I kaamram yong ka Committee toh wow pait yei man i long ka khlam ha ki Constituency wei wow yakreh wa ka District Administration wow e buit e budia hajrong i poor ka khlam.
Chooh chooh ka Coordination Committee daw pynsñiawthooh ko hajrong ka Home Management ya kiwa yoh COVID-19, wow kyntu yei pynkrehkaam ya ki kyndon wei wow pynwiar ya i tieñ hapyrdi ki paidbah.
