Da pynkrehkaam biang ya ka Night Curfew ha East Jaiñtia hadooh ka 8 Naiynru

Khliehriat: U District Magistrate, East Jaiñtia Hills District da pyntip u wa kam chibynta wow yakhun ya ka khlam u COVID-19 hapoh ka District da pynkrehkaam noh ya ka kyndon Section 144 Cr.P.C chirup wa ka Regulation 3 ka Meghalaya Epidemic Diseases COVID-19 Regulations, 2020 wa Guideline No 5 (1) ka hukum wa pynmih daka sorkar India lyngba ka Ministry of Home Affairs.

Kamtæ da pynkrehkaam ya ka Night Curfew hapoh ka District nadooh ka 1 Naiynru 2020 hadooh ka 8 Naiynru hapyrdi 9:00 i miet hadooh 5:00 i step.

U District Magistrate da pyntip u leh wa kani ka Curfew ym krehkaam ko ya ki pulit, ki doctor, dukan dai dawai, Fire Emergency Service, MeECL, NEEPCO & Power Grid, wa kiwi kiwi kiwa da chah da ki bor ka District.

Chooh chooh da chah leh ya ki kari kit mar wow lai ki, ki kari wa kit ya ki pulit wa ki chipai, ki kari kit dawai, ki dukan chna kari ha ki sarokbah tangwa kiwa yah ya kini ki kari emkaam wow leh ki ya ki Screening ha ki thaw wa da booh.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Chooh chooh da pyntip wa ya ki Curfew Pass hapyrdi 9.00 i miet hadooh 5.00 i step nadooh ka 1 Naiynru hadooh 8 Naiynru ye u yaleh na yung krehkaam u District Magistrate, East Jaiñtia Hills District chirup wa i ebor dei thoh na u Waheh Chnong heiyatoh wa ki kaam wa emkaam ya ka Pass.