Hadien wa em i awri awra wa i chah thang ki 5 tylli ki kari sorkar wa kawi ka kari ki bru paidbah kamjooh i chah tympra i yung krehkaam u Deputy Commissioner ka Eastern West Khasi Hills District, Mairang ha ka 2 tarik uni u bnai.
Kamtæ yow lait nei joor i chah ktah i chongsuk ka chnong ka thaw kamjooh yow chngaaiñ ki paidbah wei wow yada leh ya ki yung krehkaam ka sorkar, neiliang u District Magistrate, Eastern West Khasi Hills District, Mairang da pynmih hukum u hapoh ka Section 144 CrPC, yow pynkrehkaam ya ka Night Curfew nadooh 6:00 waje i miet hadooh 6:00 waje i step man-ka-sngi deiwa khang leh wow yalang palat 5 ngut ki bru ha chithaw ha waroh ki yung krehkaam sorkar kiwa em ha dong Mawsawa, ha chnong Sangshong, ha dong Umwiehsup wa ha chnong Mairang Mission nadooh ka 3 tarik uni u bnai hadooh wa pynmih hukum da kamwi.
Chooh chooh ka hukum wa da pynmih da ong wa ini i awri awra kamjooh i thang kari da leh da ki dkhot ki kattu katni ki seiñ wei da khuslai wa kini ye biang ki wow leh ya kini ki kaam pyrchah aiñ yow pynkulmar ya ki paidbah.
Ya ini da pyntip da u District Magistrate, Eastern West Khasi Hills District, Mairang.
