Shillong: U Additional District Magistrate, Ri Bhoi District, Nongpoh da pyntip u wa da pynkrehkaam ya ka Section 144CrPC wow khang ya ki kreh wei wow chna ya ki dukan khian ha tymbud u sarokbah National Highway-6, wow pyllang wei wow dai mooyong. Kiwa leh pyrchah yeini daw chah pynchitom ki katkam ki kyndon ka aiñ.
Ya kani ka hukum da pynmih hadien wa em kiwa ujor wa da sdang mih ki dukan khian waroh chimiet ha tymbud uni u sarokbah kiwa thied wei dai mooyong na ki truck kiwa lai cha ka Weighbridge kawa em ha 25th Mile Shangbangla, Nongpoh.
Da khang pyrchah leh ya ki kari samen wa ki bru wow pynyieñ namo wow uiñ ha ki thaiñ 25th Mile, Shangbangla Weighbridge. I lai tooh ki truck na kiwi ki sarok dei thmu wow yait ya kani ka Weighbridge deiwa dam u em ya ka Weighment Certificate daw man ko kawa pyrchah aiñ wei daw pynchitom ya ki katkam ki kyndon ka aiñ.
Yeini da leh wow pynwiar ya ki bru kiwa chim kabu wow man kam ki dalal (middlemen) ha 25th Mile Shangbangla Weighbridge dei thmu wow pynlai truck na ki luti wymtoh wei wow yait u su ya ka bai thaw khia iwa da ktah yei khrong dan ka sorkar.
Da khang leh ya ki truck kit mooyong wow lai lyngba ka Nongpoh – Umden Road lyngba Byrnihat, Ri Bhoi District, na Umsning – Jagi Road, Ri Bhoi District, na Umrit – Umling Road, Ri Bhoi District wa na Mairang – Ranibari Road, Ri Bhoi District.
Kani ka hukum da krehkaam ko nadooh wa pynmih ya ka wei daw krehkaam ko hadooh wa pynkylla deiwi.
Da khang leh ya ki truck wa ki kari kamai wow yieñ ki ha ki Petrol Pump/Service Centre hapoh ka District kamjooh leh wow yieñ lang 2 (ar) tylli ki kari heh wa ki truck kit mooyong ha iwi i thaw ha waroh uwi u sarokbah NH-6.
Discussion about this post