Neidaw wa ki paidbah ka chnong Umshangiar hapoh ka Raij Tamu ka Elaka Nongjngi ym em bood ki yaka hukum ka yung bichaar u W.K Kharbuli, Executive Magistrate ka West Jaiñtia Hills District katkam ka Non FIR Case No. 11/2023 U/S 107/145 CrPC wei ka bui u I/c Saitsama OP da ong ko wa kiwa chong chnong ka Umshangiar dang pteiñ ki u pam dieñ na i thaw wa dang em ka mukotduma yaknieh thaw hapyrdi ka chnong Lumlakhiat waka Umshangiar.
Da ong wa katkam wa chem ki pulit ye u chah ktah i chongsuk ha Lum Khohskhen, Lum Mynsiang wa ha Um Saitshyieng hapoh Raij Tamu.
Kamtæ wow pynneh ya i chongsuk ha kini ki thaw wa yaknieh kam ha Lum Khohskhen, Lum Mynsiang wa Um Saitshyieng neiliang u B. S Sohliya, District Magistrate, da pynkrehkaam u ya ka kyndon Section 144 Cr.PC.
Katkam kani ka kyndon da khang wow em palat 5 ngut ki bru ha iwi i thaw, da khang wow rah tiar pynmynsoo lait noh ya ki pulit.
Chooh chooh da khang wow pam dieñ, chnat dieñ wei wow pynkhooid ya kini ki thaw iwa ye u ktah yei chongsuk.
Da khang leh wow rah wait, kharat dei thmu wow pam dieñ na kini ki thaw kamjooh i yah kari cha kini ki thaw wow kit ya kini ki dieñ wa dadep pam lait na ki kari pulit.
Kani ka hukum krehkaam ko du ha kini ki thaw wa kajiak.
Kiwa pyrchah ya kani ka hukum daw pynngat ya ki hapoh ka kyndon Section 188 IPC wei kani ka hukum da man ko kawa da krehkaam hadooh wa pynbna deiwi tawon.
Discussion about this post