Hadien wa mih i kulmar dei langær ha Shillong heipor miet heiwa ini wa dep da chah thang ka kari pulit iwa da pyntieñ ya kiwa lai wa wan kamjooh da booh i hei maa leh ya ki paidbah.
Kamtæ ka District Magistrate ka East Khasi Hills kam chibynta wow pynchngaaiñ yei lai i wan wei wow pynneh yei suk i saaiñ hapoh Shillong, da pynkrehkaam noh ko da ka Section 144 CrPC.
Hapoh kani ka hukum da khang ya waroh ki jait dukan wa kynthup ya ki thaw dai baam deilang wa ki Restaurant u wai ki palat 10:00 waje i miet.
Da khang leh wow chong dih kiad wa kiwi de ki jait dih pynmuaid hapoh kari.
Chooh chooh da khang wow pynheh sur hajan ki thaw wa em ki skur wa kiwi ki thaw lai puræ, ki yung niam, ki Hospital wa kamjooh ki thaw wa sah ki bru palat 10:00 waje i miet.
Kiwa leh pyrchah daw chah pynchitom ki hapoh ka Section 188 ka IPC wei kani ka hukum u krehkaam ko nadooh ka 12 tarik uniu bnai hadooh wa pymih hukum da kamwi.
