Ka District Magistrate, Ri Bhoi District, Nongpoh da pynkrehkaam ko yaka Section 144 Cr.PC yow khang yei dih sikret ha ki thaw paidbah kam ki yung krehkaam sorkar, Auditorium, Hospital, ki Amusement Centre, Restaurant, ki yung bichaar, ki thaw puræ puthi, ki Library, ki kari kamai wa kiwi ki thaw wa em ki bru paidbah katkam ka kyndon Section 4 ka aiñ COPTA Act, 2003. Chooh chooh da ong wa hapoh ka Section 6 ka COPTA Act, 2003, da khang wow dai sikret wa kiwi ki jait duma cha kiwon kiwon kiwa em hapoh 18 snem kamjooh wow dai ya kini ha ki thaw wa em 100 Yard na ki thaw wa em ki thaw puræ puthi.
Ya kani ka hukum da pynmih hadien wa yoh yutip wa em ki dukan wa dai sikret, duma cha ki khynnah ha ki yaw ki haat kamjooh kiwa em hajan ki thaw puræ puthi.
Da phah leh ya waroh kiwa heh ki chnat sorkar, ki Manager, ki Principal wa kiwi kiwi wow booh ki yaki kyntien wa ong “No Smoking” katkam ka aiñ katwa ya kiwa dai dukan toh u booh ki ya iwa thoh wym dai sikret, duma cha ki khynna wa hapoh 18 snem iwa ye wow chah pynchitom katkam ka aiñ “Sale of cigarettes and other tobacco products to a person under the age of eighteen years is strictly prohibited and is punishable offence”.
Kiwon kiwon kiwa leh pyrchah da pynchitom katkam ka aiñ. Kani ka hukum u krehkaam ko chisyndon hadooh wa pynbna da kamwi tawon.
