Neidaw wa em i ood na ki paidbah wa em ki bru kiwa pynemkaam ya ki rukom khwe doh deiwa tympdung bomb, deiwa pynemkaam dawai bih, i pynemkaam jaar wa kiwi kiwi ki rukom khwe dohum iwa pynsaja ya ki kynja wa im hapoh ka wah Umngot, ka wah Umlow wa ka wah Umngi (lyngba Kenbah (Syntein), Kenmynsaw (Syntein), Domskong (Syntein) Mawrapat, Mawsawa Mawkasain, Kenbah Malai, Phlangwanbroi, Kynrang, Rangweng, Pyndensohsaw, Jyllep, Khiehriat, Pomblang, Laitumsaw, Dangar, Dangar Dop, Umsawrang, Photstein, Umlynter, Lalpani wa Pynden Borsora) kiwa em hapoh yong ka East Khasi Hills District.
Neidaw wa ini i rukom leh yong ki daw wanrah ko yei dooh jait ki dakha wa kiwi won ki kynja wa im hapoh ka um wei najrong wa ini daw wanrah leh yei maa ya i chait i khiah yong ki paidbah.
Kamtæ katkam i bor wa da pynkup hapoh ka kyndon aiñ Section 144 Cr.P.C, ka Isawanda Laloo, IAS District Magistrate, East Khasi Hills District, da pynbna paidbah wa da khang wei da maham eh wow pynemkaam ya ki rukom khwe deiwa tympdung bomb, ki dawai bih, i pynyang jaar wa kiwi kiwi ki rukom khwe doh kiwa pynsaja ya ki kynja kiwa im hapoh ka um ha ka wah Umngot wa wah Umlow kiwa em hapoh yong ka East Khasi Hills District.
Kam ki bor wa toh u pait ya ki chnong ki thaw, da kyrpaad wa lada chem lane tip ya kiwon kiwon wa leh ya kitai ki jait kaam kamwa da kdaw haneiñ wow sñiawbha u pyntip smat cha ka yung krehkaam ka DC yow pynchitom ya ki katkam ka aiñ.
Kani ka hukum u krehkaam ko syndon nadooh myntu ka 3 tarik hadooh wa da pynbna won da kamwi.
