Khliehriat: Chibynta wow wanrah yei chongsuk, wow lait ki chipai BSF nei mynsoo wei wow khang yei khayi tooh ha u pood wa ka ri Bangladesh, u Additional District Magistrate, East Jaiñtia Hills District da pynkrehkaam u ya ka Section 144 Cr.P.C wow khang yei cahre masi, i lai kjat ki paidbah namo ha ki kari ha ki thaaiñ khappood nadooh 6:00 waje u janmiet hadooh 6:00 waje i step.
Chooh chooh da khang wow pynemkaam ya ki tiar wa nep, ki petrol bomb, ki bom (cracker), ki lathi wa kiwi kiwi pyrchah ya ki chipai BSF wei da khang pyrchah wot wow psiah chapoh India heimiet.
Kani ka hukum da krehkaam ko nadooh wa pynmih ya ka.
Ya kani ka hukum da pynmih hadien wa ka East Jaiñtia Hills man ko kam kawi na ki thaw wa joor i khayi tooh ya ki masi, ki kwai, ki ktung wa kiwi kiwi.
Discussion about this post