Jowai: U Deputy Commissioner ka East Jaiñtia Hills da pyntip u wa hadien wa pynbna ka Election Commission of India, ya ka Election MP 2019 wei wow pyntikna wa man ka Election kawa lai bait heipor wa krehkaam ka Model Code of Conduct wei wow khang u pynsihdur ya ki thaw samen wa ki yong paidbah da pynkrehkaam noh u da ka kyndon 144 Cr.PC, ha waroh kawi ka District.
Kani ka kyndon da khang ko ya ki kyrtong wa ki party wow thoh ki cha chram, u biah poster, u kdoh banner wa kiwi kiwi ha ki thaw samen wa ki thaw paidbah.
Da khang leh ya ki seiñ saiñ hima wa ki kyrtong wow kdoh banner ki ha ki sarok wa ki luti paidbah wa kiwi kiwi khlem yohbor na ki tre thaw wa na u DC ka District.
Ymchah wow pynman yalang paidbah (Election meeting) khlem yohbor na ka yung krehkaam u DC chirup wa ka NOC na u Waheh Chnong waki bor pulit.
Da khang leh wow pynkieh tanghæng (P.A. System) nadooh 10:00 waje i miet hadooh 06:00 waje i step wei lada em kiwa leh pyrchah, daw kem ya kini ki tiar ki tar.
Chooh chooh dakhang wow pynman ya ka lai paidbah (rally / procession) khlem yohbor na ki bor District.
Wow yohbor emkaam wow pynpoi ya ka Application 48 kynta chwa wow pynman ya kini ki kaam waroh deiwa thoh ya i thaw, i por, wa kiwi kiwi.
Discussion about this post