Ka Additional District Magistrate/Sub-Divisional Magistrate, I/c Amlarem Civil Sub-Division, Amlarem da pynkrehkaam ko ya ka Section 144 CrPC wow khang pyrchah wow em palat san ngut chi thaw ha iwon iwon i bynta ka chnong Jarain iwa ye wow ktah yei chongsuk chongsaiñ ya ki paidbah wei da khang leh wow rah ya kiwon kiwon ki tiar pynmynsoo kiwa ye u pynemkaam pyrchah ya kiwi tawon.
Ya kani ka hukum da pynkrehkaam hadien wa yoh ya ka bui na ka Executive Magistrate, Amlarem wa ha ka 17 tarik uni u bnai da mih i awri ha ka chnong heiyatoh wa i wow wai biang ya ka yaw wa em hapoh ka chnong wei kamjooh leh i thung ya u Acting Waheh Chnong wei kamjooh leh i pynawri na u Dolloi Elaka Amwi, Acting Waheh Shnong wa Secretary Shnong iwa ye wow wanrah yei thut hei chongsuk ka chnong.
Heiyatoh wa kini waroh neiliang ka Additional District Magistrate/Sub-Divisional Magistrate da phah ko wow khang chwa ya ka yaw wa chisien chi tayaw ha Jarain, hadooh wa pynmih da kawi tawon ka hukum hadien wa da pynbait yeini waroh da ka Jaiñtia Hills Autonomous District Council neibhah kini ki kaam toh kiwa hapoh i pait i yoo ka Council.
Kani ka hukum u krehkaam ko nadooh wa pynmih ya ka hadooh wa pynkylla deiwi tawon.
