U District Magistrate, East Jaiñtia Hills District da yoh u ya ujor u na ka 2-Shnong Environment Protection and Social Welfare Association of Tongseng and Lumtongseng Narpuh, East Jaiñtia Hills District wa ha u snem 2018, 2019, wa 2020 wa em i tynyap khiar ya ki dohum ha ki wah.
Da ong leh wa i tih moochuni wa i khyndaw wa khlem yada da wanrah i hei maa ya ka um neibynta ki paidbah wa dih ya ka um, hajrong ini i pyrchang ka seiñ wow yada ya ka rymaw, kamtæ, u District Magistrate da ong u wa ini i kaam tih moo tih ch’iap toh u sangeh i, wei da pynkrehkaam noh u ya ka Section 144 Cr.P.C, wow khang yei e bih, u tympdung bom, u tih moo wa u ch’iap, kamjooh leh wow theh dawai iwa ye u ktah ya ka um kiwa em hapoh ka 2-Shnong Environment Protection and Social Welfare Association (Narpuh) kam ka Wah Chew Chew, Wah Sakha, Wah Umtalem, Wah Umtban, Wah Umkrung, Wah Umdaku, Wah Umbain, Wah Um Syiang, Wah Umriang, Wah Umbong, Wah Syntem, Wah Dohthli wa Wah Lathad.
Ya kiwa leh pyrchah daw pynchitom ya ki katkam ki kyndon ka aiñ.
