U District Magistrate ka East Jaiñtia Hills da pyntip u wa ka yingkieñ (RCC Bridge) wa em ha Shymplong ha u sarok Borghat-Sonapur Road toh kawa da dep chah rah haka um ini wa dep wei da chna ya kawi ka yingkieñ nar wa chipor namo ka Semi Permanent Bailey Bridge.
Tangwa kani ka yingkieñ wa chipor i bor ko toh wow kit ya ki kari wa khia 9 MT donhi katkam wa da pyntip da ka chnat PWD (Road) Department wei lada lai da ki kari wa khia palat yeini daw ye ko u ktah ya ka yingkieñ wei daw pynthut yei lai i wan wa i chongsuk chongsaaiñ ki chnong wa em cha khappood.
Kamtæ da pynkrehkaam da ka Section 144 ka CrPC yow khang ya kiwon kiwon ki jait kari wa kiwi taan Trailer kiwa khia palat 9 MT wow lai ki na kani ka yingkieñ.
Da pynkrehkaam leh ya ka Section 144 CrPC ha u sarok PMGSY Lakasein uwa na Semasi cha Umkyrpong uwa da sih bha neidaw wa lai ki Truck wa kit palatpood.
Da ong wa uni u sarok ym em da chna wow lai ki kari wa heh wa khia wei man u leh u sarok wa khian neibynta ka chnong wei ini i lai ki Truck wa kit palatpood daw ktah kylla ko leh ya ki chong ha kani ka thaaiñ manda sih uni u sarok, kamtæ hapoh ka Section 144 ka CrPC da khang ya waroh ki jait kari wa khia deilang kiwa taan Trailer wow lai ki na uni u sarok Lakasein (Semasi Umkyrpong).
