Kam chibynta wow yada ya ki dohum dohwah kiwa em ha ka wah Kynshi, u District Magistrate ka Eastern West Khasi Hills District ha ka hukum wa da pynmih hapoh ka Section 144 yong ka CrPC da khang u yei bær ya kiwon kiwon ki jait dawai ha ka wah Kynshi wa ha ki wah kiwa em markhap wa ka.
Da pynmih ya kani ka hukum hadien wa da yoh ujor hajrong i em ki bru kiwa jooh bær da ki dawai heipor miet wow kem dakha na ka wah Kynshi wa ki wah wa em markhap wa ka.
Katkam ka hukum u District Magistrate, i bær dawai ha ki wah da pyntngit da pynjakhlia wei da pynman bih ko ya ka wah iwa da wanrah kylla yei yap ki dohum dohwah.
Kiwon kiwon kiwa tyngkheiñ ya kani ka hukum daw chah pynchitom katkam ka Section 188 yong ka Indian Penal Code, da pynrap chooh chooh ka hukum u District Magistrate.
