U Symbood Montri Rangbah ka jylla, u Prestone Tynsong da ong u wa du ka sorkar jylla ym ye ko wow leh iyi iyi hawa yatoh wa i ku dor ki marbaam, tangwa ya kani ka phang hap wow yaklam wa ka sorkar pyrdi.
Da ong u wa ym ye wow pynbaad du ya ka sorkar jylla neibhah em boon ki daw wa hap u yaklam wa ka sorkar India kamwa man i ku dor ki mar ki mata, hawa pynrap wa kiwa boon ki marbaam ym toh kiwa da pynmih lane pynku dor hi da ka jylla.
Da ong u leh wa ka sorkar jylla da yaklam ko wa ka sorkar pyrdi hajrong i ku dor wei da yoo lakam wa da leh ko iyi iyi hajrong ini.
Hawa yatoh wa i ku dor ki jhoor wa ki mar rep kiwa na ka jylla, u Symbood Montri Rangbah da ong u wa ka sorkar da phah pynkrehkaam biang ko ya ki Price Monitoring Committee wow pait wei pyndooh yei eh wa mih nei ku dor.
