Shillong: Kam chibynta wow yada nei poor u khñiang COVID-19 ha East Khasi Hills District, ka District Magistrate, East Khasi Hills District hapoh ka Section 144 CrPC deilang waka Regulation 3 ka Meghalaya Epidemic Diseases, COVID-19 Regulations, 2020 waki kyndon Guideline No. 5 (i) ka Order dated 1st May, 2020 ka Government of India lyngba ka Ministry of Home Affairs, da pynkrehkaam yaka Night Curfew ha East Khasi Hills District nadooh ka 4th May, 2020 hadooh ka 11th May, 2020 ka wow krehkaam nadooh 7:00 PM hadooh 6:00 AM man ka sngi.
Ka District Magistrate da pyntip ko wa kani ka hukum ym krehkaam ko yaki Security Forces, Medical Teams wa em Duty, Wholesale & Retail Pharmacies, Police & Armed Forces, Fire & Emergency Service, MeECL, NEEPCO wa Power Grid, Food & Civil Supplies Department, FCI, PWD, PHE, Shillong Municipal Board, Postal Service, Telecom, Communications & IT Services, Press, Print & Electronic Media, Petrol Pumps, ki kaam wa ym hoi u dam kam ka Health Services wa Online Food Delivery, ki karkhana wa da yoh bor u wai kamjooh ki Spare Parts Dealerships ka Health & Family Welfare Department kamjooh ki wakreh sorkar wa em Duty. Kini ki waroh toh u bood ki thij yaki kyndon kam ka Social Distancing, i pynduna ya ki wakreh du kiwa emkaam donhi wa kiwi ki kyndon wada pynbna naki por cha ki por khlem pep.
Chah hi leh yei lai i wan ki kari wa kit mar wa emkaam (Essential Goods), kiwa kit yaki Security Forces, Medical Equipment waki karkhana chna Truck wa em cha Highway lait ki na kani ka Curfew. Tangwa kiwa yah kari wa kiwa yarap yaki hap ki wow leh yaka Medical Screening katkam ki kyndon wa da booh.
Yaki Curfew Pass neibynta 7:00 PM hadooh 6:00 AM nadooh ka 4th May, 2020 hadooh 11th May, 2020 ye u yoh lyngba ka Online Application ha www.eastkhasihills.gov.in.
Discussion about this post