Kam chibynta wow pynkhreh yaka Election Rajya Sabha kawa daw pynman ha kani ka 19 tarik kawa da pynbna daka Election Commission of India hadien wa kyrriah tarik yaka naka 26 tarik u Wisu neidaw ka khlam COVID-19.
Kamtæ kam wow bood yaki kyndon wa da booh yow yada nei poor u COVID-19, ynne da pynman yaka esikai ya waroh kiwa emkti wow pynman ya kani Election heiwa yaka thap Vote daw pynman haka Polling Station kawa em haka Meghalaya Legislative Assembly Building, Rilbong.
Ha ini i pynkhreh da em leh ki sahep naka chnat i chait i khiah.
Kiwa wan psiah chapoh ka Polling Station daw leh yaka Thermal Scanning, i pynkhooid yaki kti, daw e leh jar jiar ki khulom wow pynemkaam hawa jied ya u kyrtong wei waroh toh u man kiwa deiñ yaki mask, ym hoi u ya khublei wei wow tymmoh yei khmut i khmat lada synrieh lane kyoh.
Daw hap u bood leh thij yaka Social Distancing nadooh u Returning Officer, Observer, kiwa riñ dur wa kiwi.
I thap Vote haka 19 tarik u sdang ko nadooh 9 waje i step hadooh 4 waje i janmiet wei ya ka Vote u niaw haka jooh ka sngi heipor 5 waje i janmiet
