Ka Kordeiñlin Social & Cultural Club, Tuber Kmaishnong, East Jaiñtia Hills District da pyntip ko wa ka Fete wa dadep pynbna ini wadep wow pynman ha ka 16 wa 17 tarik u December, da kyrriah tarik cha ka 17 wa 18 tarik uni hi u bnai December heiwa ya ka Bumper Housie kawa da booh ya ka Pool Prize wa Rs.12,50,000 da pynku cha ka Rs. 15,50,000 wei ya kani daw pynman ha madan Nehlang Playground, Tuber Kmaishnong.
Ha kani ka Fete wa ar miet, daw em leh i pynwyrngia wa boon jait nadooh i pynyoo ya ka phlim Pnar ‘Wa Bakla’ wa ka Mini Housie ha ka miet ka 17 tarik.
Ha ka miet ka 18 tarik won daw wan pynwyrngia da ka DJ Jelly, ka Iairi Sumer wei daw pynman leh ya ka Bumper Housie deiwa em leh ki Stall wa boon jait.
Ha kani ka Fete ym chah ya kiwon kiwon wow wan dai baam, ki jait dih ha sarok chnong khnang yow lait na iwon iwon i thut ha ki luti syngkieñ.
Ka Kordeiñlin Social & Cultural Club, Tuber Kmaishnong da khut sñiawbha ko ya phi ki lok ki jor cha kani ka Fete wa ar miet neibynta wow pynmih poisa yow pyndep chna ya ka Community Hall.
Ha ka Mini Bumper Housie wa daw pynman ha ka 17 tarik, ka Pool Prize man ko Rs. 50,000 heiwa ka 1st House toh Rs. 30,000 katwa ka 2nd House won Rs. 10,000 wei waroh ki Line man ko Rs. 2000 uwi. I dor kawi ka Card man ko Rs. 200 katwa 3 Card won Rs. 500.
Ha ka Bumper Housie won kawa daw pynman ha ka 18 tarik, ka Pool Prize man ko Rs.15,00,000 heiwa ki House man ki kamni:
1st Full House- Rs. 10,00,000
2nd Full House- Rs. 1,00,000
3rd Full House- Rs. 1,00,000
4th Full House – Rs. 1,00,000
5th Full House- Rs. 1,00,000
Waroh ki Line (Jolly 5, Corner, Top Line, Middle Line, Bottom Line) man ki Rs. 30,000 uwi.
Kawi ka Card chongdor ko Rs. 1000, ar tylli Rs. 1500 katwa le tylli won Rs. 2000.
Yow tip bniah ye wow Phone ha kini ki Number-9863487808, 7005451552.
Ym em chim bai psiah cha kani ka Fete.
Discussion about this post