U Montri Rangbah ka jylla, u Conrad K Sangma ynne da wai u yaka Patharkhmah Civil Sub-Division ha ka yalang wa da man ha Western Ri-Bhoi Playground, Patharkhmah hei emlang u Sosthenes Sohtun, MLA ka Jirang, u MLA ka Nongstoin, u Macmillan Byrsat, u Victor Ranee, MDC wa kiwi kiwi.
Ha kani ka sngi u Conrad da yaklam u leh wa kiwa yoh myntoi naka FOCUS wa ki SHG kamjooh na ka YESS Meghalaya.
U Conrad da ong u wa kani ka Civil Sub-Division toh ka luti wow pynkylla yei rukom im ki paidbah ka thaaiñ.
Da ong u wa ini toh i krehlang yong ki waheh kamjooh ki paidbah wa pynman yow pynku kyrdan yaka Patharkhmah Administrative Unit hadien 27 snem ka wow krehkaam kam ka Civil Sub-Division wei i thong ka sorkar toh wow wanrah ya i chakri chajan ki paidbah neibhah nachwa hap lai bait ki cha Nongpoh ya ki kaam yong ki.
“Katni da em ka sarok wa biang wei sa kani ka Sub-Division daw pynsuk ko yaki paidbah ka Patharkhmah,” da ong u Conrad.
Chooh chooh da ong u wa da yaleh wow poi cha ki thaw wa jngai kiwa em cha palatsor ka jylla khnang wow ye u e yeiwa angnood ki paidbah.
Da khana u leh kajiak hajrong ki thong krehkaam ka FOCUS waka YESS Meghalaya.
Ynne ka sngi da pynlait leh ya ka ram kawa T. 1,400,000 cha ki 12 SHG hapoh ka Meghalaya Rural Bank kamjooh leh da e ya ki FOCUS+ Identity Card cha kiwa yoh myntoi.
