Da pynku kyrdan ya ka Jarain PHC cha ka Sub Divisional Hospital

Ynne ka sngi u Montri ka sorkar jylla uwa man leh u MLA ka Amlarem, u Lahkmen Rymbui da wan pynku kyrdan u ya ka Jarain PHC cha ka Sub Divisional Hospital ha ka yalang wa da pynman ha pchem kani ka thaw sumaar. 

Ya ka yalang da pynlai da u DM&HO ka West Jaiñtia Hills, u Dr. u K.C. Ajar wei da yoh ya i klam pdiang burom na u Dr. FA Lamin. 

Ya kani ka Hospital daw pynlai da ka Hans Foundation, wei u Brig. Rtd. Shailendrra Kattaria na kani ka Foundation da ong u wa da kreh ka seiñ ha kylleiñ ki jylla ka thaaiñ mihsngi wei katni kreh ki ha ki thaw sumaar kam ha Ri-Bhoi, ha West Khasi Hills wei katni ha West Jaiñtia Hills wei da kyrmen u wow kreh chooh sa cha kiwi ki District ka jylla. 

U Ram Kumar uwa man u Mission Director ka NHM hawa e yei klam da ong u wa nadooh u Duyatra (Jan) u Lahkmen da Phone u ya oo man ka chiphaw sngi wow kylli kat hadooh katwon u chimpor wow pynku kyrdan ya kani ka thaw sumaar wei ini pynyoo i yei sñiawkhia u Montri ya ki paidbah. 

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Da ong u wa i chait i khiah man i iwa emkaam bha wei em ko em ar bynta iwi toh emkaam ya ki Doctor wa pliah wa ki thaw sumaar wei awjan ha waroh ki chnong wow em ya ki Village Health Council. 

Da sñiawkmen u wa ka Jaraiñ PHC da ye ko u pdiang ya kiwa khakhon wei katni u Montri Rangbah leh da sdang ki ya ka Save Mother Hood Scheme.

Chooh chooh da ong u wa kani ka Sub Divisional Hospital ye ko wow em 50 pyllong wei daw ye u sumaar wa har rukom wei daw em ko ka kor X-Ray wa kiwi kiwi wei ym emkaam de ki wow lai cha Jowai. 

Neiliang u Lahkmen Rymbui da ong u wa wa ynne ka sngi man ko ka wow sahkynmoo neibynta kani ka thaw sumaar. 

Da ong u wa ka Jarain PHC toh kawa heh tam hapoh Amlarem Sub Division lada bichaar wot ya ka Nongtalang CHC wei kani ka thaw kattu u man ko kam ka Hospital ym du kam ka Health Centre. 

Chooh chooh sa ong u wa i khakhon toh iwa boon bha katwa kamtæ kani ka thaw daw yarap bha ko ya ki paidbah wot na Iongnoh wa na Demthring neibhah dang jan u wan ki cheini ymtoh cha Jowai. 

Heijooh i por da khana u wa emkaam wow sumaar wei wow lehkhooid ya kani ka thaw wei ya ka Tender daw pynlait noh ya ka ha ka tayaaw wow wan neibynta wow chna ya kani ka Hospital wa 50 pyllong. 

Kamtæ da ong u wa kani ka PHC wa em 5 pyllong kattu u em noh ko 50 pyllong kam ka Hospital. 

Da yoh ya ki kyntien khublei na u Dr. C. Khonglah. 

Puræ leh: Pyrchah ka seiñ Pynroi-Pynbha Amlarem yei rah yaka Sub-Divisional Hospital cha Jaraiñ