Ynne ka sngi u Symbood Montri Rangbah ka jylla, u Sniawbhalang Dhar da wan booh mooyurim u yow pynku kyrdan yaka Seiñraij Wahiajer Secondary School cha ka Higher Secondary School (10+2 Arts) ha ka yalang wa da man ha kani hi ka skur.
Ynne da sdang leh ya i lehkmen dap 25 snem (Silver Jubilee) ka Seiñraij Upper Primary School SSA, Wahiajer.
Da ya emlang leh wa u MLA ka Jowai, u Wailadmiki Shylla, U MLA ka Umroi, u Damanbait Lamare, u CEM ka JHADC u Thombor Shiwat, ki MDC wa kiwa kitkaam ha ka Seiñraij Wahiajer.
Ya ka yalang da pynlai da u Chot Pale, President ka Seinraij Wahiajer wei da yoh ya ki kyntien Ngoohblai na ka Niawkorlang Phawa katwa ya ki kyntien pdiang burom da yoh na ka Headmistress ka LP School, ka Chimpor Nongrum wa i klam na u Headmaster ka skur, u Chanki Nongrum wa kiwi kiwi.
U Sniawbhalang Dhar hawa e yei klam da ong u wa kam kiwa mihkhmat chem chitom ki wow pynbiang ya iwa emkaam ki bru samen tangwa ymtoh won manda emkaam ka dong ka chnong.
Da kyntu u leh ya ki paidbah wow man kiwa yaichah wa kiwa yatylli khnang wow ye u wanrah ya ki kaam pynroi wa ha har rukom.
Da pynphooh ya kani ka sngi da ki chaad wa ki rwai na ki khynnah ka skur.
Discussion about this post