Jowai: Ka seiñ kiwa dai doh sniang ka West Jaiñtia Hills District, hadien wa ki bor District da khang ki wow pynpoi næ thied sniang na baar jylla kamjooh leh na kiwi tawon ki District kam chibynta wow yada na ka kjut khlam ki sniang, kamtæ ka seiñ da rai ko wow pynku ya i dor i doh sniang.
Da rai wow pynku ya i dor i doh sniang na ka T. 320 chi kilo cha ka T. 340 chi kilo katwa ympu chah wow wanrah sniang na kiwi ki thaw.
Kani ka rai u pynkrehkaam noh ya ka nadooh ka 25 tarik uni u bnai.
Yeini da leh hadien wa da yohbor ko na u Deputy Commissioner ka West Jaiñtia Hills District, ha ka 17 tarik uni u bnai.
Kani man ko katkam ka Wyrta na u President ka seiñ, u S.B. Ryngkhlem wa u Secretary u B.N. Ryngkhlem.
