U Dr. Vijay Kumar D, Commissioner & Secretary, Sports and Youth Affairs uwa man leh u CEO ka 2nd North East Olympic Games, 2022 ynne da pynkup burom u ya kiwa embynta ha ka lympung North East Olympic Games, ha ka yalang wa da pynman ha ka Auditorium ka State Convention Centre, Shillong.
U Dr. Vijay Kumar D hawa e yei klaam da ong u wa emkaam u krehlang chirup kamwa da kreh ki Committee wow pynman ya ka NEOG 2022 kawa jop. Da ong u wa dei em i krehlang daw ye u pachat ya ki buit ki budia para wakreh wow man kiwa chemphang.
Chooh chooh da yaroh u ya ki Committee wa da pynman ya kani ka lympung kawa jop deiwa ong wa ka Meghalaya ha chi lynter ka North East Olympic Games da pynyoo ko wa ye u jop la heiwon heiwon leh khlem kiwon kiwon ki ujor.
Da pyntip u leh wa daw chon yaka Coffee Book wow thoh hajrong ki yalehke waphær waphær ha ka North East Olympic Games wei yeini waroh daw pynkhreh da ka Deputy Commissioner ka East Khasi Hills.
Ha kani ka sngi hadien wa pynkup burom ya kiwa embynta ha ka NEOG 2022, da chim ya ki buit ki budia wa da tyrwa ki na iwa da chem ki ha ki por wa pynman yaka lympung.
Kiwi kiwa da klam ha kani ka sngi toh u CVD Diengdoh, Additional CEO, NEOG, ka Isawanda Laloo, DC East Khasi Hills, u S. Nongtynger, SP East Khasi Hills wa u S. Awasthi, Director ka Sports & Youth Affairs wa kiwi kiwi.
