Tura: U montri ka chnat Tourism, u Metbah Lyngdoh ynne da sakhi u ya ka Rugala Ceremony yong ka Hundred Drums Wangala Festival ha Asanggre hajan Tura.
Chi sngi chwa ka Wangala, da pyndep ya ka Rugala da u Nokma namo u Waheh Chnong heiwa da engooh da i yindem wa i ja, ki jhoor cha ka Misi Saljong, namo ka wah bah.
U Metbah Lyngdoh hawa e i klam da pynsñiaw u yei mynsien wa kmen wow wan pait ya ka Wangala Festival kawa da dooh u wow sakhi da boonsien kattu na ki daw wa boon. Da e khublei u ya ki paidbah dei ktien Garo heiwa da kyntu u yei emkaam wow pynneh pynsah ya ka rukom im ka jaitbru, wei da kyntu u wow pynman ya ka kam ka Wangala kawa yirngam wow yada ya ka rymaw.
Da ekti u leh ya ka Cheque wa T. 20 lak na ka chnat Department of Tourism cha u Chairman ka 100 Drums Wangala Committee.
Ha kani ka sngi da pynman ya ki yalehke wa ha rukom kam ka Wa.pong Sika, Jakpong Pe.a, An.ding Oka, Rong.ma Chilsusaa, Rong.ma Gosusaa, Dimchrang, Sarenda, Chigring, Adil Sika wa kiwi kiwi.
U Adviser to the Chief Minister, u Thomas A Sangma, u Deputy Speaker, Government of Meghalaya, u Sanbor Shullai, MLA Mawsynram Constituency, u Himalaya Shangpliang, MLA ka Umroi Constituency, u George B Lyngdoh, u MLA ka Rambrai Jyrngam Constituency, u Kimfa Marbaniang, u MLA, West Shillong, u Mohendro Rapsang, Director, Department of Tourism, u CVD Diengdoh, u Deputy Commissioner, West Garo Hills, Ram Singh, Superintendent of Police, u Dr. MGR Kumar, wa kiwi kiwi ki heh sorkar da emlang ki ha kani ka sngi.
Discussion about this post