Ynne ka sngi da pynkut ya ka Inter-Office Sports Tournament 2026 wa da pynman da ka Meghalaya State Government Employees’ Federation (MSGEF), Jaintia Hills Unit, heiwa u K. Passah, Assistant Director, Directorate of Sports and Youth Affairs ka sorkar Meghalaya kamjooh u I/c District Sports Officer, West Jaiñtia Hill da man u kam u kongsan deiwa emlang u Laman-oo Laloo da kam u symbood kongsan chirup ki khlieh District yong ki chnat waphær waphær. Da emlang leh u Branch Manager ka Federal Bank, Jowai Branch kam uwa chah khut sñiawbha.
Ka sngi da man ko kawa phooh wa phieñ heiwa da sakhi leh ya ka Final ka yalehke Football hapyrdi ka Jowai Civil Hospital wa ka A.H & Veterinary, West Jaiñtia Hills.
Ka yalehke da man ko kawa ya ryngkat bor heiwa ym em wa yoh u pynkhih ya ka jaar hadooh wa kut i por. Kamtæ da pteiñ ya ka yalehke deiwa yachut Penalty heiwa ka Civil Hospital da jop ko ya ka A.H & Veterinary da 5- 4.
Yei naam Player of the Match da yoh da u Nidaroi Mulieh, yei naam Top Scorer da yoh da ki ar ngut kitæ toh u Donbok Bamon wa u Heibormi Sungoh wei kini waroh toh kiwa yalehke ka Jowai Civil Hospital.
Chwa ynne ka sngi da pyndep leh ya ki yalehke waphær waphær kam ka Carromboard, Badminton kamjooh ka Cricket ha kani ka Inter-Office heiwa ya ki Prize da saam ynne ka sngi pynkut.
Ha ka yalehke Carromboard kiwa jop kamjooh kiwa rem da man ki kamni:
Men’s Single: Winner – Carmel Kharbihkhiew (District Statiscial Office, Jowai), Runner Up- Chandame Dhar (PHE Civil).
Men’s Double Winner: Tenny L Shullai & Carmel Kaharbihkhiew (District Statistical Officer), Runner Up- Holywell Dhar & George Hamilton Nampui (Asst. Director of Information and Public Relation).
Ha ka yalehke Badminton kiwa jop kamjooh kiwa rem man ki kamni:
Men’s Single Winner: Da u ru Laloo (PWD), Runner Up- Dr. Peterson L Lamare (DMHO, Pdengshakap PHC)
Men’s Double: Winner- Arkiyoo Passah & Da u Ru Laloo (PWD), Runner Up- Rimilan Passah & Dr. Peterson L Lamare (Health Department).
Men’s 95+ Double Winner: R.D. Sungoh & Da u Ru Laloo (PWD), Runner Up- Rimilan Passah & Riki N Suchiang (Health Department).
Women’s Single Winner: Ribhalang Passah (DMHO), Runner Up- Graceful Shullai (SDSEO).
Ha ka yalehke Cricket yei naam jop da yoh da ka DC Combine Horticulture & Water Resources pyrchah ya ka A.H. & Veterinary Department, West Jaiñtia Hills. Yei naam man of the Match kamjooh Man of the Tournament da yoh da u Heimonlang I Lyngdoh yong ka DC Combine Horticulture & Water Resources.
Ka MSGEF da e khublei ko ya waroh ki Department kiwa chimbynta ha kani ka Tournament wei kamjooh ya waroh kiwa kreh sorkar kiwa kyrchaanlang ya kani ka Inter-office Sports Tournament yow man ko kawa jop.
Discussion about this post