Ka yung krehkaam ka Divisional Forest Officer (DFO) Jaiñtia Hills (Wildlife Division) ynne ka sngi da pynkut ko ya ka tayaw ‘Wildlife Week Celebration’ ha ka yalang wa pynman ha yung dorbar ka chnong Raliang heiwa u S.M. Sahai, Principal Chief Conservator of Forest (Biodiversity & Wildlife) & Chief Wildlife Warden ka jyllla da man u kam u kongsan katwa u P.K. Agrahari, Conservator of Forest (M&E) Meghalaya da man u kam u symbood kongsan.
Ya ka yalang da pynlai da u S. Budnah, Divisional Forest Officer (Social Forestry Division) hei emlang u R. Parein, Chairman ka Khloo Blai ka Raij Ionglang, u Dolloi ka Elaka Raliang, u C. Lyngdoh, ka N. Laloo, Divisional Forest Officer (Wildlife) ki khynnah skur wa kiwi kiwi.
U S.M. Sahai hawa e yei klam da yaroh u ya ka chnat wa da pynemwarom ko ya ka kani ka tayaw wa kyrpang. Da ong u wa kani ka tayaw daw yarap ko chiboon ya ki khynnah skur wa kiwa chong chnong wow sñiawthooh ki yei kordor ka rymaw.
Da ong u leh wa lyngba ka Wildlife Institute of India da tipmit hadooh 22 jait ki mrad kiwa kyrpang ha ka jylla.
Ha kani ka sngi da saam leh ya ki khusnaam cha ki khynnah skur kiwa da jop ha ka yakob Extempore Speech, thoh Essay wa ka yakob dro dur hajrong ka phang “Save Habitat, Save Wildlife”. Da saam leh ya ki khusnaam cha ki 21 ngut na West Jaiñtia Hills wa 6 ngut na East Jaiñtia Hills District kiwa da pynlait im ya ki mrad.
