Jowai: Ynne ka sngi ka lehniam Durga Puja yong kiwa ngait ya ka niam Hindu da poi ko chawa kut wei ha Jowai da pynkut ya ka deiwa pynngam um ya ki blai ha ka wah Myntdu.
Ha kani ka sngi da ki spah ngut ki chynrang, kynthai, khynnah wa waheh da wan sakhi ki yeini heiwa da yachaad ki tymbud luti nadooh na Iawmusiang hadooh wa poi ha i thaw pynngam um ya ki blai.
Manda poi ha i thaw pynngam kiwa kitkaam ka Sarbajanin Durga Puja Committee, Jowai da ngam ki ha wah Myntdu ha i thaw pynngam neiliang i thaw wa da seh chken wa ka jaar wow batai ya ki khynroo kammon wa heiwon i bynta wow pynngam khnang wa kini ki jaar u ksoh ki ya ki blai.
Kiwa kitkaam kani ka Committer da pyntip ki wa ya kini ki blai daw pynkhooid ya ki na ka wah wei yeini da leh wow yada ya kani ka wah neibhah wa waroh ki paidbah ka Jowai im ki na ka um yong kani ka wah.
Ya ini i pynngam um da wan sakhi leh da u SP ka WJH u Lakador Syiem, ki Magistrate ka B. Blah wa ka R. Manner.
Discussion about this post