Ka lehniam Durga Puja yong kiwa ngait niam Hindu, ynne ka sngi da poi ko cha wakut heiwa da pynngam um lut ya ki Blai ha kylleiñ ka ri wei yeini i pynngam um da sakhi leh ha Jowai.
Ya ini i pynngam um da wan sakhi ki paidbah na kylleiñ ka Jowai hei emlang ki sahep sorkar wa ki sahep pulit.
Ha Jowai da sakhi yei pynngam um ya ki Blai ha thwai Lynter iwa man ka bynta yong ka Wah Myntdu ha Pynthor Wah.
Neiliang kiwa ngait niam Hindu da chaad ki tymbud luti wa i sur niam hadooh wa poi i thaw wow pynngam um ya ki Blai.
Hadien wa pynngam um, ka Puja Committee da kdoh ya ki Blai da ki tylle khnang wow ye u pynkhooid ya ki na ka wah mynstep wei pyn ynne i janmiet da pynman ki leh yei pynkhooid ya ki soodong ini i thaw heiwa da kyrriah ya ki Plastic wa ki that kiwa em talawiar kiwa da haap heipor wa wan pynngam um ya ki Blai.
