Ka District Legal Services Authority (DLSA), East Jaiñtia Hills District, Khliehriat ynne ka sngi da pynkut ko ya ka Pan India Awareness & Outreach Programme heiyatoh wa i dap 75 snem i yoh laitlooid ka ri iwa da e pyrtuid “Azadi Ka Amrit Mahotsav” wa ka Legal Services Week kawa da sdang ha ka 8 tarik uni u bnai.
Ha kani ka sngi da pynman ya ka lai paidbah namo ka Rally kawa da sdang na District Court Building, Khliehriat East cha Lad Block wei da pynkut ha yung krehkaam u Deputy Commissioner, East Jaiñtia Hills District heiwa da emlang ka C. Dkhar, District and Sessions Judge Cum Chairman, DLSA, u S.S. Syiemlieh, Addl. Deputy Commissioner, ka N. Momin, Chief Judicial Magistrate Cum Secretary, DLSA, ka B. Kharbithai, Judicial Magistrate First Class.
Kiwi kiwa da chimbynta ha kani ka sngi kynthup ki ya ki dkhot ka Khliehriat Bar Association, ki khynnah ka Jawahar Navodaya Vidyalaya School, Rymbai, ka Little Flower Secondary School, Khliehriat wa kiwi kiwi.
