Jowai: U montri rangbah ka jylla u Conrad K Sangma da pyntip u wa jylla daw lait noh ko nei chah pyndooh bordiñ namo ka Load Shedding.
Da e khublei u yaka MECL kamjooh yaka chnat bordiñ ka jylla khamtam ya u montri wa pait yaka bordiñ u James Sangma kiwa da krehchitom yow poi cha i sñiawthooh lang waka NEEPCO yow lait noh naka Load Shedding.
I dam noh u pyndooh ya ka Load Shedding u sdang i nadooh chiteiñ synyaw myntu iwa mut nadooh ka 2 tarik da pyndam noh hadooh ka 30-09-19 lane hadooh wa pynmih da kawi ka hukum.
Ini u man ko ka khubor wa bha ya ki paidbah khamtam hapoh ri-loom Jaiñtia kiwa da chem chitom ya i por wa pyndooh bordiñ nadooh 9 waje i miet hadooh 12 waje pyrdi synyaw.
Discussion about this post