Da pynkylla pyrtuid ya ka Anthony’s College Extension, Byndihati

U Deputy Commissioner ka East Jaiñtia Hills District da pyntip u wa ka North Eastern Hills University lyngba ka yung krehkaam ka College Development Council da pynkylla pyrtuid ko ya ka St. Anthony’s College Extension, Byndihati yow tip noh ko kam ka Don Bosco College, Byndihati i wow krehkaam chisyndon.

Ka St. Anthony’s College Extension, Byndihati man ko kam chibynta ka Salesians of Don Bosco wei da booh mooyurim yaka haka 16-05-15 da u Rev. Fr. George Maliekal, wei da wai nyngkong yaka haka 23-06-2015 ha Khliehriat Hr. Sec. School Campus heiwa u Rev. Fr. Paul Dayo Passah da man u kam u Principal In-charge. Kani ka College da neh ko ha Khliehriat ar snem wei da wan won sa u Rev. Fr. Joby Joseph heithaw u Fr. Paul Passah kam u Principal.

Ha u Naisan 2017, deiwa em u Rev. Fr. Kenny Pakma kam u Principal In-charge, yaka College da kyrriah cha ka thaw wa em ko katni wei yaka Academic Block da wai haka 16-12-2017.